Domingo 5 de maio primeiras confirmacións, merca a túa entrada dende aquí
COMUNICADO
Con moito pesar vémonos na obriga de suspender os Ouveos do Castañazo que se ían celebrar este sábado día 4 de maio. Ante a imposibilidade de realizalos no local que tiñamos previsto e pese ao traballo intenso destes días por atopar unha alternativa viable, isto non foi posible.
Un dos propósitos da nosa asociación é ofrecer alternativas culturais na nosa vila que favorezan á vida e desenvolvemento dela. Por iso, creemos necesarias propostas como os Ouveos do Castañazo e continuamos a traballar para realizalos noutras datas coas condicións axeitadas para poder desfrutar dunha das cousas que máis nos gusta, así que seguide a prestar atención porque esta ouveada non remata aquí!
Como vos adiantamos, esta sesión de concertos ía vir cargadiña de sorpresas Algunhas xa volas fomos adiantando, como a venda de merchan. Se alguén se quere facer con algún dos nosos produtos pode pedirnos máis información a través de mensaxe privada ou correo electrónico a info@castanhazo.com
Outra das sorpresas que vos tiñamos gardada para esta data era desvelar as catro primeiras actuacións que farán parte do #Castañazo2024. Pois ben, tede o posto nas nosas redes este domingo, porque faremos esta revelación… e virá acompañada de sorteo!
Isto non para!
Castañazo 2024
Estamos de volta e facémolo con esta nova imaxe deseñada por JonGo Art
Corre a dicirllo as tuas colegas e reservade o 1 e 2 de novembro para volver a vivir unha nova edición do noso #FestivalDeOutono
Este ano aproveitamos a ponte de novembro para que teñades unha escusa máis para vir o de Galicia, pode haber un plan mellor?
Toda a maquinaria a funcionar para traer unha nova edición que de seguro virá chea de emocións e diversión. Estade atentas as nosas redes pois irémosvos desvelando máis novidades!